दुई वर्षीय बालकसहित ५६ जना डिस्चार्ज

नेपालगञ्ज – बाँकेमा मंगलबार दुई वर्षीय बालक कोरोनामुक्त भएका छन् ।
नेपालगञ्ज–१० का दुई वर्षीय बालक कोरोना भएपछि नेपालगञ्जको सिटी प्यालेस होटलमा बसेका थिए । कोरोना मुक्त भएसँगै बालक डिस्चार्ज भएका छन् ।
जिल्ला कोभिड–१९ संकट व्यवस्थापन केन्द्रका अनुसार, मंगलबार जिल्लाबाट ५६ जना कोरोनामुक्त भएका छन् । कात्तिक २२ गते कोरोना पुष्टि भएकाहरु मंगलबार डिस्चार्ज भएका हुन् । डिस्चार्ज हुनेमा ३२ पुरुष र २४ महिला रहेका छन् ।
बाँकेमा कोरोना जित्नेको संख्या तीन हजार तीन सय ७४ जना पुगेको छ । एक सय ९१ जना आइसोलेसनमा रहेका छन् । तीन हजार ६ सय १ जना कोरोना संक्रमित हुँदा ३६ जनाको मृत्यु भएको छ ।