स्व. महेश थापा मेमोरियल कप फुटसल हुँदै

नेपालगञ्ज – नेपालगञ्जमा स्व. महेश थापा मेमोरियल कप फुटसल प्रतियोगिता हुने भएको छ ।

फुटबल खेलाडी मनिष थापाले आफ्ना दाजु स्व. महेश थापाको सम्झनामा फुटसल प्रतियोगिता गराउन थालेका हुन् ।

नेपालगञ्जको न्यूरोडमा रहेको नेपालगञ्ज फुटसल मैदानमा प्रतियोगिता हुनेछ । असोज ८ देखि १४ गतेसम्म हुने प्रतियोगितामा व्यापारी र बैकर्सको टीम सहभागी हुने आयोजक मनिष थापाले जानकारी दिनुभयो ।

दश वटा टीमको सहभागिता रहने प्रतियोगिताको विजेतालाई ३१ हजार र उपविजेतालाई २१ हजार पुरस्कार राखिएको छ ।

दशैको मुखमा ठूलो धनराशीको प्रतियोगिता राखिएकाले यसलाई फुटसल उत्सवको रुपमा लिइएको छ । त्यसो त नेपालगञ्जमा पछिल्लो दिनमा फुटसलप्रतिको क्रेज बढिरहेको छ । नेपालगञ्ज फुटसल मैदानमा विहान र बेलुका गरी दैनिक सदस्यता लिएर फुटसल खेल्ने ६० बढी खेलाडी रहेका छन् । बिदाको दिन पारेर फुटसल खेल्ने बढिरहेका छन् । विगतमा फुटबल खेलेकाहरु शरीरलाई फिट राख्न फुटसल खेल्न गइरहेका छन् ।