ट्याक्टरभरी सूर्ती

नेपालगञ्ज – बाँके प्रहरीले ट्याक्टरमै लोड गरेर भारततर्फ लैजान थालेको ठूलो मात्रामा सूर्ती बरामद गरेको छ ।
प्रहरी निरीक्षक डिल्लीबहादुर खड्काको नेतृत्वमा गएको टोलीले जानकी गाउँपालिका वडा नं. १, साईगाउँबाट भे १ त ७७२९ नम्बरको ट्याक्टरमा राखेर भारततर्फ लैजान थालेको ३० बोरा सूर्ती बरामद गरेको जिल्ला प्रहरी कार्यालय, बाँकेले जानकारी दिएको छ ।
प्रहरीले ट्याक्टर चालक साइगाउँका नाफिस कवडिया, भानु बर्मा र शेर अलिलाई नियन्त्रणमा लिएको छ । सूर्ती ६० लाख बराबरको भएको आकलन गरिएको छ । ३० बोरामा प्रति बोरा ६० किलो थियो । घटना आइतबार थियो ।