बनियागाउँमा झडप !

नेपालगञ्ज – जानकी गाउँपालिका वडा नं. ५, बनियागाउँमा झडप भएको छ ।
गाउँका दुई समूहका बीचमा भएको कुटाकुटमा आधा दर्जन घाइते भएका छन् । सोमबार अपरान्ह ५ बजे भएको झडपमा धनिराम यादव गम्भीर घाइते भएका छन् । यादवको टाउकोमा चोट लागेको छ ।
मेडिकल कलेजमा कुन्ना खटिक, पवन काँदु, रामनरेश गुप्ता, बन्सरा यादवलगायतलाई ल्याइएको छ ।
गाउँमा प्रहरीको टोली पुगेको छ । घटनास्थलमा पुगेका बाँके प्रहरी प्रवक्ता डीएसपी सुवास खड्काले अवस्था नियन्त्रणमा आइसकेको जानकारी दिनुभयो ।