थपिए अरु १५ जना

नेपालगञ्ज – बाँकेमा शनिबार दोस्रो लटमा १५ जना कोरोना संक्रमित थपिएका छन् ।
जिल्ला स्वास्थ्य कार्यालय, बाँकेका अधिकृत एवं कोरोनाका फोकलपर्सन नरेश श्रेष्ठले दोस्रो लटमा १५ जना थपिदा शनिबार ५५ जनालाई कोरोना पुष्टि भएको जानकारी दिनुभयो । यसअघि दिउँसो ४० जना संक्रमितको विवरण सार्वजनिक गरिएको थियो ।
दोस्रो लटमा थपिएका १५ जना नेपालगञ्जका विभिन्न वडाका छन् । शनिबार थपिएका ५५ जनामा महिला २३ र पुरुष ३२ जना रहेका छन् ।
फोकलपर्सन श्रेष्ठका अनुसार, जिल्लामा कोरोना संक्रमितको संख्या एक हजार चार सय १९ पुगेको छ । त्यसमा ९ सय ८५ जना डिस्चार्ज भएर घर गएका छन् ।