गणेशमानचोकमा डरलाग्दो दुर्घटना

नेपालगञ्ज – नेपालगञ्जको गणेशमानचोकमा डरलाग्दो दुर्घटना भएको छ ।
ना ७ ख १३९३ नम्बरको ट्रकले मोटरसाइकल, स्कूटी र अटोरिक्सालाई ठक्कर दिएको हो । ट्राफिक प्रहरी कार्यालय, नेपालगञ्जका इन्चार्ज सई भरतप्रसाद पौडेलले ट्रकले चल्दै गरेका र रोकेका गरेर ६ वटा साधनलाई ठक्कर दिएको छ ।
ट्रकले भे ५ प ५१४३ र भे ४ प ७४१२ नम्बरको मोटरसाइकल र भे १ ह ३०७३ नम्बरको अटोरिक्सालाई घिसार्दै अघि बढेको थियो । एउटालाई ठोकेपछि अनियन्त्रित भएको ट्रकले अरु सवारी साधनलाई ठक्कर दिएको थियो ।
दुर्घटनामा लालबहादुर थापा, शान्तराम चौधरी र विराज थापा घाइते भएका छन् ।
यसैगरी, नेपालगञ्जकै कारकादोचोक नजिक दुई वटा मोटरसाइकल आपसमा ठोक्किदा एकजना घाइते भएका छन् । जिल्ला ट्राफिक प्रहरी कार्यालय, कोहलपुरका अनुसार, से ३ प ७९४३ र भे ८ प ७६४ नम्बरको मोटरसाइकल आपसमा ठोक्किएका थिए । दुर्घटनामा घाइते भएका सागर शाहीको नर्सिङहोममा उपचार भइरहेको छ ।