केपी ओली नेपालगञ्ज आउँदै
नेपालगञ्ज – नेकपा एमालेका अध्यक्ष केपी शर्मा ओली नेपालगञ्ज आउँदैछन् ।
नेकपा एमाले, बाँकेका अध्यक्ष किस्मतकुमार कक्षपतिका अनुसार, जुम्ला र कालिकोटको कार्यक्रममा जानका लागि अध्यक्ष ओली नेपालगञ्ज आउन थालेका हुन् ।
अपरान्ह ४ बजे नेपालगञ्ज आइपुग्ने अध्यक्ष ओलीको आज नेपालगञ्जमै बास रहेको छ ।
नेपालगञ्ज बसाईमा यहाँका नेता तथा कार्यकर्तालाई अध्यक्ष ओलीले होटलमै भेटेर निर्देशन दिने नेताहरुले बताएका
छन् ।
सरकारमा सामेल दलका बीचमा चुनावी गठबन्धन हुने पक्कापक्कीजस्तै भइरहेको बेलामा ओलीको दौडधुपले एमाले कार्यकर्ता उत्साहित रहेको नेताहरु बताउँछन् । नेता तथा कार्यकर्ताको मनोबल बढाउन ओलीले जिल्लागत भ्रमण गरिरहेको बताइएको छ ।
