ट्याब्लेटसहित सुरेश पक्राउ

नेपालगञ्ज – लागु औषध नियन्त्रण ब्यूरो र इलाका प्रहरी कार्यालय, जमुनाहाको टोलीले एक सय ५० वटा लागु औषधी ट्रमाडोल ट्याब्लेटसहित एक जनालाई नियन्त्रणमा लिएको छ ।
सीमावर्ती भारतीय बजार रुपैडिहाबाट ट्याब्लेट किनेर फर्किरहेका दाङ घोराही नगरपालिका वडा नं. १० का २३ वर्षीय सुरेश घर्तिलाई प्रहरीले नियन्त्रणमा लिएको हो ।
रुपैडिहाबाट आइरहेका सुरेशलाई शंका लागेर जाँच गर्दा ट्याब्लेट फेला परेको प्रहरीले बताएको छ । सुरेशलाई आवश्यक कारबाहीका लागि जिल्ला प्रहरी कार्यालय, नेपालगञ्ज पठाइएको छ ।