६५ करोडको लागतमा नेपालगञ्जमा पाइप उद्योग
नेपालगन्ज – नेपालगन्जमा ६५ करोडको लागतमा स्टार पोलीपाइप इन्डष्ट्रिज प्रालिको शनिबार उद्घाटन गरिएको छ ।
नेपालगन्ज उपमहानगरपालिका वडा नम्बर १८ मा रहेको स्टार पोलीपाइप इन्डष्ट्रिज प्रालिको शनिबार उद्घाटन गर्दै उद्याेग बाणिज्य तथा आपूर्ति मन्त्री दामाेदर भण्डारीले निर्यातमुखी उद्योग तथा कलकारखानालाई सरकारले आवश्यक सहयोग गर्ने प्रतिवद्धता जनाउनुभयो ।
उहाँले स्टार पोलिपाइपलाई लुम्विनी प्रदेशमा मात्रै नभएर नेपालभर तथा भारतसम्म पनि उत्पादित सामाग्रीको बजारीकरण गर्न सक्ने बिश्वास ब्यक्त गर्नुभयो ।
प्रालिका अध्यक्ष कमल कार्कीले करिब ६५ करोडको लागतमा एचडिपिई, सिपिभिसी, युपिभिसी, बोरवेल तथा गार्डेन पाइप तथा फिटिङको उत्पादन गर्दै आइरहेको जानकारी दिनुभयो ।
कार्कीले बजारमा आर्थिक मन्दी भएपनि स्टार पोलीपाइपबाट अत्याधुनिक उपकरणबाट गुणस्तरीय सामाग्रीको उत्पादन गरिरहेको बताउनुभयो ।
कम्पनीले जापान तथा दक्षिण कोरियामा उत्पादित उत्कृष्ट कच्चा पदार्थबाट सिपिसिभी, युपिभिसी पाईप तथा फिटिङहरु उत्पादन गर्दै आइरहेको कम्पनीका बिक्री प्रमुख दिनेशराज विष्टले जानकारी दिनुभयो ।
