ठूलो मात्रामा पटाका बरामद

नेपालगञ्ज – तिहार नजिकिदै गर्दा भित्रिएको ठूलो मात्राको पटाका बाँके प्रहरीले बरामद गरेको छ ।
भारतको रुपैडिहाबाट जमुनाहागाउँ हुँदै भित्रिएको नौ पेटी पटाका प्रहरीले बरामद गरेको हो । बाँके प्रहरी प्रमुख एसपी ओमबहादुर रानाका अनुसार पटाका कम्तीमा पाँच लाख बराबरको रहेको छ ।
मोटरसाइकलमा राखेर पटाका ल्याउदै गरिएको थियो । प्रहरीलाई देखेपछि कारोबारी पटाका फालेर भागेको एसपी रानाको भनाई छ ।
तिहारलाई लक्षित गरेर भारतबाट पटाका ल्याइएको थियो ।

यसैबीच, लागु औषध नियन्त्रण ब्यूरोको टोलीले खजुरा–८, सुनौलोटोलबाट दश किलो चार सय ग्राम अफिमसहित पक्राउ गरिएका तिलकबहादुर शाहीलाई सार्वजनिक गरेको छ । यी दुवै घटना बाँके प्रहरीले पत्रकार सम्मेलन गरेर बाहिर ल्याएको छ ।