सपना र जुनेड प्रहरी फन्दामा

नेपालगञ्ज – बाँके प्रहरीले चार ग्राम पाँच सय मिलिग्राम ब्राउनसुगरसहित दुई जनालाई नियन्त्रणमा लिएको छ ।
नेपालगञ्ज उपमहानगरपालिका वडा नं. १२, बेलासपुरबाट नेपालगञ्ज–४, बसपार्कका मोहम्मद जुनेड हलुवाई र बर्दिया बढैयाताल गाउँपालिका वडा नं. ३ की सपना पुनको साथबाट ब्राउनसुगर बरामद गरेको हो ।
उनीहरुले ६ वटा पुडिया बनाएर ब्राउनसुगर राखेका थिए । लागु औषध नियन्त्रण ब्यूरो र जिप्रकाको टोलीले उनीहरुलाई चेकजाँचका क्रममा नियन्त्रणमा लिएको बाँके प्रहरी प्रवक्ता डीएसपी सुवास खड्काले जानकारी दिनुभयो ।