नाकामा रोकिएका नेपाली भित्रिदै

नेपालगञ्ज – नेपालगञ्ज नाकाबाट शुक्रबार पनि नेपालीलाई भित्र्याउने र भारतीय नागरिकलाई पठाउने काम भएको छ । लकडाउनका कारण नाकामा फसेका नेपालीलाई ल्याउने र भारतीयलाई पठाइएको हो ।
नाकामा फसेका व्यक्तिलाई नेपाल भित्र्याएर सम्बन्धित जिल्ला, पालिकाको जिम्मा लगाउने काम भइरहेको छ । नाकाबाट आज आठ सय आसपासमा भित्रिने आकलन गरिएको छ । अहिले प्रहरीले नेपालीलाई भित्र्याउदै गाडीमा बसाएर पठाइरहेका छन् ।
नेपाली भित्रिरहदा भारतीयलाई पनि पठाइएको छ । चार सय हाराहारीका भारतीयलाई पठाइएको छ ।
बाँके प्रशासनले नाकामा फसेका व्यक्तिको उद्धार गरिरहेको छ । नाकामा फसेकालाई नेपाल ल्याउने र सम्बन्धित जिल्ला, पालिकामा पठाएर क्वारेन्टाइनमा राख्ने गरिएको छ ।