पीएम कप : प्रहरी फाइनलमा

नेपालगञ्ज – नेपाल प्रहरी क्लवले उपाधीका लागि एपीएफ क्लवसँग भेट पक्का गरेको छ ।
नेपालगञ्ज रंगशालाको कभर्डहलमा चलिरहेको अन्तर्राष्ट्रिय आमन्त्रण महिला भलिबल प्रतियोगितामा आर्मीलाई हराउदै प्रहरीले फाइनल एपीएफसँग भिडन्त पक्का गरेको हो ।
नेपाल प्रहरीले आर्मीलाई ३–२ सेटमा पराजित गरेको थियो । यी दुईका बीचमा कडा प्रतिस्पर्धा भएको थियो । पहिलो सेट आर्मीले २५–२३ ले जित्यो । दोस्रो र तेस्रो सेट क्रमशः पुलिसले २५–२०, २५–२१ ले जित्यो । चौथो सेट आर्मीले २५–१४ ले जित्यो । अन्तिममा पुलिसले १५–८ ले आर्मीलाई पाखा लगायो ।
नेपाल प्रहरी पहिलो संस्करण विजेता टीम हो । छैठौं संस्करण जितेर एपीएफले ह्याट्रिक गर्छ कि प्रहरीले दोस्रो पटक उपाधीमा नाम खेलाउँछ त्यो भोली बुधबार दुई बजे थाहा हुनेछ ।