क्षेत्र नं. २ मा गुप्ता विजयी

नेपालगञ्ज – नेपाली कांग्रेस, बाँके क्षेत्र नम्बर २ को क्षेत्रीय सभापतिमा रमेशकुमार गुप्ता निर्वाचित भएका छन् ।
गुप्ता ४८ मत अन्तरले विजयी भएका छन् । गुप्ताले २ सय ३९ मत पाएका थिए । प्रतिस्पर्धी वीरेन्द्रबहादुर शाहले १ सय ९१ मत पाए ।
सचिवमा सुनिलसिंह हमाल २ सय ६३ र प्रदिप साहु २ सय ५० तथा सहसचिवमा तरुण बज्राचार्य २ सय ७१ र सब्बिर खाँ २ सय १८ मतका साथ विजयी भएका छन् । सचिवमा नेपालगञ्ज उपमहानगरपालिका वडा नं. १२ का वडाध्यक्ष बुद्धिसागर सुवेदी पराजित भएका छन् । क्षेत्र नम्बर २ मा ४ सय ५१ मत मध्ये ४ सय ३८ मत खसेको थियो ।