क्षेत्र नं. २ को मतगणना शुरु

नेपालगञ्ज – नेपाली कांग्रेस, बाँके क्षेत्र नं. २ को मतगणना शुरु भएको छ ।
नेपालगञ्जको भेरी प्राविधिक शिक्षालयमा मतगणना भइरहेको छ । पाँच ठाउँमा मत गन्ने व्यवस्था मिलाइएको छ ।
क्षेत्र नं. २ को क्षेत्रीय सभापतिका लागि वीरेन्द्रबहादुर शाह र रमेश गुप्ताको प्यानल रहेको छ । चार सय ५१ मत मध्ये चार सय ४० मत खसेको छ । संस्थापन समूहकै शाह र गुप्ताको प्यानलको प्रतिस्पर्धामा जिल्लाका ठूला नेताहरुको इज्जतसँग गाँसिएको छ । ठूलो इगो बनेकाले नै निर्वाचनका क्रममा पटक–पटक विवाद देखिएको थियो ।