राप्तीसोनारीमा रेडक्रस शाखा र प्रहरी चौकी भवनको शिलान्यास

नेपालगञ्ज – राप्तीसोनारी गाउँपालिका वडा नं. ८ मा कचनापुर रेडक्रसको शाखा र ढकेरी प्रहरी चौकीको भवन शिलान्यास गरिएको छ ।
छुट्टा–छुट्टै ठाउँमा रेडक्रस शाखा र ढकेरी प्रहरी चौकीको भवनको गाउँपालिकाका अध्यक्ष लाहुराम थारुले शिलान्यास गर्नुभयो ।
ढकेरी प्रहरी चौकी भाडामा बस्दै आएको छ । भवन बनेपछि प्रहरीलाई ठूलो राहत हुनेछ । सामाजिक काम गर्ने रेडक्रसलाई पनि भवन बन्दा काम गर्न सहज हुने विश्वास गरिएको छ । दुवै भवन गाउँपालिका, वडा कार्यालय र विभिन्न संघ संस्थाको सहयोगमा बन्नेछन् ।
शिलान्यास कार्यक्रममा वडा नं. ८ का अध्यक्ष खुमबहादुर बस्नेत, कचनापुर रेडक्रस शाखाका सभापति नरेन्द्रकुमार पौडेल, इलाका प्रहरी कार्यालय, कोहलपुरका डीएसपी रविन्द्र खनाल, वन तथा वातावरण संरक्षण समितिका अध्यक्ष तुलाराम खत्री, सामुदायिक वन महासंघका केन्द्रीय सदस्य डिल्ली गिरी, समुदायिक वन महासंघ, बाँकेका उपाध्यक्ष शालिकराम डांगीलगायतको उपस्थिति थियो ।