दमौलीमा क्लवस्तरीय फुबटल प्रतियोगिता शुरु

नेपालगञ्ज – बर्दियाको बाँसगढी नगरपालिका वडा नं. ६, दमौलीमा क्लवस्तरीय फुटबल प्रतियोगिता शुरु भएको छ ।
दमौली युवा क्लव तदर्थ समितिको आयोजनामा भएको प्रतियोगितामा आयोजक ए टीमले विजयी शुरुवात गरेको छ ।
दमौली ए टीमले बाँसगढी नगरपालिका वडा नं. ७ को बसन्ता युवा क्लवलाई ४–१ गोलले पराजित गरेको हो । खेल हुनु अघि पानी परेर केही असर गरेपनि खेलाडीले राम्रो खेल प्रदर्शन गरेका थिए ।
प्रतियोगिताको उद्घाटन बर्दिया जिल्ला फुटबल संघका अध्यक्ष अजित राजभण्डारीले गर्नु भएको थियो ।
तदर्थ समितिका अध्यक्ष पूर्ण सिलवालको अध्यक्षतामा भएको उद्घाटन कार्यक्रममा वडा नं. ६ का कार्यावाहक अध्यक्ष लालबहादुर थारु, अंगद श्रेष्ठ, लालबहादुर क्षेत्री, राजकुमार श्रेष्ठ, एन्फा बर्दियाका सदस्य मिना भुजेललगायतको उपस्थिति थियो ।
गोपी भुजेल, धनबहादुर तामाङ, सुनिल आले, जीवन तामाङ, सुदीप घर्तिको विशेष संयोजनमा भएको प्रतियोगितामा २० वटाको सहभागिता रहेको छ ।