दुर्घटनामा ५ को मृत्यु, ३५ घाइते

नेपालगञ्ज – पूर्वपश्चिम राजमार्ग अन्तर्गत बाँकेको कोहलपुर रोहिनी खोला नजिकै बस र टिप्पर एक आपसमा ठोकिदा ५ जनाको मृत्यु भएको छ । ३५ जना घाइते भएका छन् ।
सुर्खेतबाट धरान जाँदै गरेको मे १ ख ३३४७ नंम्बरको यात्रुबाहक बस र विपरित दिशाबाट आएको अनटेस्ट मालबाहक टिप्पर शुक्रबार साँझ ६ बजे एक आपसमा ठोकिदा ५ जनाको मृत्यु भएको इलाका प्रहरी कार्यालय, कोहलपुरका डीएसपी रविन्द्र खनालले जानकारी दिनुभयो ।
सो घटनामा परि घाइते भएक ३५ जना मध्ये ७ जनाको अवस्था गम्भीर रहेको प्रहरीले जनाएको छ । घाइतेहरुको नेपालगञ्ज मेडिकल कलेजमा उपचार भइरहेको छ ।