योगिनी कपलाई डिस्लरीको साथ

नेपालगञ्ज – खजुरा गाउँपालिका वडा नं. २, गौघाटमा हुन थालेको योगिनी कप भलिबल प्रतियोगितालाई न्यू एभरेष्ट डिस्लरीले सहप्रायोजन गरेको छ ।
योगिनी युवा क्लव, गौघाटका अध्यक्ष तरिन्द्र थापा र डिस्लरीका अध्यक्ष रविन्द्रमान श्रेष्ठले आइतबार पत्रकारहरुको उपस्थितिमा सम्झौता पत्र आदान प्रदान गर्नुभयो ।
माघ २२ देखि २४ गतेसम्म सञ्चालन हुने प्रतियोगितामा जिल्लाका १२ वटा क्लवको सहभागिता रहने अध्यक्ष थापाले जानकारी दिनुभयो । प्रतियोगिताको विजेतालाई २१ हजार, दोस्रो हुनेलाई १० हजार विधागत उत्कृष्टलाई पुरस्कारको व्यवस्था गरिएको छ ।
क्लवका अध्यक्ष थापाले खेलकुदको उर्वरभूमि बनेको खजुराको सानलाई बढावा दिन प्रतियोगिता आयोजना गरेको बताउनुभयो ।
सहप्रायोजक डिस्लरीका अध्यक्ष श्रेष्ठले खेललाई माया गर्ने मान्छे भएकाले योगिनी क्लवलाई थोरै भएपनि सहयोग गरेको बताउनुभयो । श्रेष्ठ आफै पनि खेलाडी हुनुहुन्थ्यो ।
रंगशाला नेपाल मिडिया प्रालीका कमल खत्रीले लागु औषधीको कुलतमा फस्ने जोखिम रहेका युवाहरुलाई खेलकुदमा ल्याउन निरन्तर प्रतियोगिताहरु गरिरहेको बताउनुभयो ।