२३ वर्षपछि फरार अभियुक्त पक्राउ

नेपालगञ्ज – बाँके प्रहरीले कर्तब्य ज्यान मुद्दाका फरार अभियुक्तलाई २३ वर्षपछि पक्राउ गरेको छ ।
बाँके रनियापुरका नुर सलाम खाँलाई गोली हानेर हत्या गरी फरार रहेका ३८ वर्षीय आजात खाँलाई प्रहरीले नियन्त्रणमा लिएको हो । २०७२ असोज १७ गते जिल्ला अदालतले खाँलाई २० वर्षको कैद सजाय सुनाएको छ ।
इलाका प्रहरी कार्यालय, धनौलीबाट गएको प्रहरीले टोलीले खाँलाई घर आसपासबाटै पक्राउ गरेको बाँके प्रहरीले जानकारी दिएको छ ।