टिप्परले ठक्कर दिंदा साइकलयात्रीको मृत्यु

नेपालगञ्ज – नेपालगञ्जमा टिप्परको ठक्करबाट साइकलयात्रीको मृत्यु भएको छ ।
नेपालगञ्जदेखि खजुरातर्फ जादै गरेको भे १ ख ३००३ नम्बरको टिप्परले ठक्कर दिंदा साइकलयात्री नेपालगञ्ज–११, भट्टीटोलका बुद्धसागर लखेरको मृत्यु भएको बाँके प्रहरीले जनाएको छ । टिप्परको ठक्करबाट गम्भीर घाइते भएका लखेरको उपचारको क्रममा नर्सिङहोममा मृत्यु भएको थियो ।
आइतबार पौने आठ बजे राती नन्दनीमलि नजिक घटना भएको थियो । प्रहरीले टिप्पर र चालकलाई नियन्त्रणमा लिएको छ ।