बढैयाताल हटस्पट बन्दै

नेपालगञ्ज – बर्दियामा ३१ जना कोरोना संक्रमित थपिएका छन् ।
पछिल्लो समयमा बढैयाताल गाउँपालिकाको वडा नं. १ र २ नम्बर वडामा कोरोना संक्रमितको संख्या ह्वात्तै बढेको छ । बढैयातालको वडा नं. १ मा १५ र वडा नं. २ मा एघार जना थपिएका छन् ।
भेरी अस्पताल, नेपालगञ्जमा गरिएको परीक्षणमा बढैयातालमा २६ जना, बाँसगढीमा चार र राजापुरमा एकजना थपिएका छन् । बाँसगढीको वडा नं. ३ का दुई जना र वडा नं. ७ र ९ का एक÷एक जना रहेका छन् । राजापुरको वडा नं. ५ मा एकजना संक्रमित थपिएका छन् ।
यसैबीच, भेरीले बाँके बैजनाथकी ४६ वर्षीया महिलाको कोरोनाबाट मृत्यु भएको पुष्टि गरेको छ । कोहलपुर मेडिकल कलेजमा उपचार हुँदा उनको मृत्यु भएको थियो ।