क्याम्पसमा चार जना आरडीटी पोजिटिभ

नेपालगञ्ज – महेन्द्र बहुमुखी क्याम्पस, नेपालगञ्जमा रहेका चार जनामा आरडीटी पोजिटिभ देखिएको छ ।
क्याम्पसमा रहेका ८१ को आरडीटी टेष्ट गरिएको थियो । त्यसमध्येमा चार जनाको पोजिटिभ रिपोर्ट आएको हो ।
क्याम्पसमा तीन सय १५ जना बसिरहेका छन् । भारतबाट आउने बढेसँगै क्याम्पसमा बस्ने पनि बढिरहेका छन् । नेपालगञ्ज उपमहानगरपालिकाले शुरुमा आरडीटी जाँच गर्ने र पोजिटिभ देखिएका व्यक्तिको पीसीआर जाँच गर्ने गर्दछ । २२ गतेयता ४२ जनामा आरडीटी पोजिटिभ देखिएको छ ।