थप एकको मृत्यु, मृतकको संख्या १२ पुग्यो

नेपालगञ्ज – हाइस दुर्घटनाका एक जना घाइतेको पनि मृत्यु भएको छ । योसँगै मृतकको संख्या १२ जना पुगेको छ ।
भारतका विभिन्न शहरबाट आएका ३३ जनालाई नेपालगञ्ज नाकाबाट भित्र्याइएको थियो । नाकाबाट नै गाडीको व्यवस्था गरेर घरतर्फ पठाइएको थियो । ना ५ ख ५९९५ नम्बरको हाइस गाडीमा सल्यानतर्फ जादै गर्दा ठुरिया जंगलमा दुर्घटना भएको हो । बा ४ ख ९०६४ नम्बरको रोकि रहेको ट्रकमा हाइस ठोक्किएको थियो ।
घाइते २१ जनाको भेरी अस्पताल, नेपालगञ्जमा उपचार भइरहेको छ । मृतक १२ जनाको शव भेरी अस्पतालमै रहेको छ । प्रहरीले सनाखत गर्न शुरु गरेको छ ।