बाँकेमा ठूलो दुर्घटना, ११ जनाको मृत्यु

नेपालगञ्ज – पूर्वपश्चिम राजमार्गअन्तर्गत बाँकेको ठुरिया जंगलमा हाइस गाडी दुर्घटना हुँदा एघार जनाको मृत्यु भएको छ ।
नेपालगञ्जदेखि सल्यान जादै गरेको ना ५ ख ५९९५ नम्बरको हाइस गाडी रोकि राखेको बा ४ ख ९०६४ नम्बरको ट्रकमा ठोक्किदा एघार जनाको घटनास्थलमै मृत्यु भएको प्रहरीले जनाएको छ । राती सवा १२ बजे दुर्घटना भएको थियो ।
दुर्घटनामा २२ जना घाइते भएका छन् । घाइतेहरुको भेरी अस्पताल, नेपालगञ्जमा उपचार भइरहेको छ । मृतक ११ जनाको शव भेरीमा ल्याइएको छ ।