नेपालगञ्जका यिनीहरुमा देखियो कोरोना

नेपालगञ्ज – नेपालगञ्जमा कोरोना देखिएका चार जना फरक–फरक वडाका छन् ।
जिल्ला स्वास्थ्य कार्यालय, बाँकेका अधिकृत एवं कोरोनाका फोकलपर्सन नरेश श्रेष्ठका अनुसार, वडा नं. १५ का दुई जना, वडा नं. ४ र १० नम्बरका एक÷एक जना रहेका छन् । वडा नं. ४ का ४२ वर्ष, वडा नं. १० का ३८ वर्ष, १५ नम्बर वडाका १६ र २५ वर्षका पुरुष हुन् ।
नेपालगञ्जको महेन्द्र बहुमुखी क्याम्पसमा बसिरहेकामध्येका एक सय तीन जनाको स्याम्पल लिइएकोमा चार जनाको रिपोर्ट पोजिटिभ आएको फोकलपर्सन श्रेष्ठले जानकारी दिनुभयो । अहिले पीसीआर पोजिटिभ देखिए केहीको आरडीटी पनि पोजिटिभ देखिएको थियो ।
नरैनापुर गाउँपालिका वडा नं. ४ को २१ वर्ष, ५ नम्बर वडाको २५ वर्ष, खजुरा गाउँपालिका वडा नं. ४ को ३० वर्ष र बैजनाथ गाउँपालिका वडा नं. ४ का ३५ वर्षका पुरुषमा पनि कोरोना पुष्टि भएको छ ।
नेपालगञ्जमा ३० जना पोजिटिभ हुँदा जिल्लाभरीमा एक सय ८९ जना पुगेका छन् ।