टेनिस संघमा श्रेष्ठ
नेपालगञ्ज – बाँके जिल्ला टेबल टेनिस संघको अध्यक्षमा प्रशान्त श्रेष्ठ पुन: निर्बाचित भएका छन् ।
संघको साधारणसभाबाट श्रेष्ठको नेतृत्वमा ११ सदस्यीय कार्यसमिति निर्बिरोध चयन भएको हो। कार्यसमितिको उपाध्यक्षमा अरुण बिक्रम शाह र गौतम सिंह परियार रहेका छन्। सचिवमा भुमण्डल प्रकाश श्रेष्ठ र कोषाध्यक्षमा नितु गुरुङ चयन भएका छन्। संघको सदस्यमा बिकास बहादुर सिंह, बिकास राजभण्डारी, पूर्णकुमारी थापा, युवराज कोइराला, नरेश यादव, अब्दुल अजिज बागवान रहेका छ।
संघको आजै बसेको पहिलो बैठकले धन्यवाद ज्ञापन, प्रदेश प्रतिनिधि चयन र सल्लाहकार मनोनयन समेत गरेको छ। आगामी पुस १५ गते हुने संघको प्रदेश अधिबेशनको लागि प्रशान्त श्रेष्ठ, बिकास बहादुर सिंह र अरुण बिक्रम शाहलाई प्रतिनिधि चयन गरिएको छ भने सल्लाहकारमा सुभाष सिंह श्रेष्ठ र जितेन्द्र बहादुर हमाललाई मनोनित गरिएको अध्यक्ष श्रेष्ठले जानकारी दिनुभयो।
संघकाे बाँकी रहेको दुईजना सदस्य जिल्ला खेलकुद बिकास समिति बाँकेले मनोनयन गर्नेछ। यसअघि श्रेष्ठको अध्यक्षतामा भएको उदघाटन कार्यक्रममा प्रमुख अतिथी लुम्बिनी प्रदेशका पूर्वमन्त्री ओलम्पियन सुरेन्द्र बहादुर हमालले दीप प्रज्वलन गरि साधारणसभाको उद्घाटन गर्नु भएको थियो। कार्यक्रममा लुम्बिनी प्रदेश खेलकुद परिषदका सदस्य नरेन्द्र थापा, बाँके जिल्ला खेलकुद बिकास समितिका सदस्य रन्जित सिंह सिजापती, बुद्धिचाल महासंघका केन्द्रिय सदस्य प्रतिमा महत लगायतले शुभकामना मन्तब्य राख्नु भएको थियो।
