८० ट्याब्लेटसहित योगी पक्राउ
नेपालगञ्ज – जमुनाहा प्रहरी र लागु औषधी नियन्त्रण ब्यूरोको टोलीले ८० ट्याब्लेट लागु औषधीसहित एक जनालाई नियन्त्रणमा लिएको छ ।
भारतबाट लागु औषधी नाइट्रोभ्याट ४२ ट्याब्लेट र ट्रामाडोल ३८ ट्याब्लेट बोकेर आइरहेका जाजरकोटका विशालनाथ योगीलाई प्रहरीले नियन्त्रणमा लिएको हो ।
योगीले आफूले लगाएको ज्याकेटको भित्री खल्तीमा राखेर ट्याब्लेट ल्याएका थिए । प्रहरीले शंका लागेर जाँच गर्दा ट्याब्लेट फेला परेको हो । उनले एक थान मोबाइल र एयरफोन पनि बोकेर आएका थिए ।
सहजै पाइने भएकाले बाँके तथा छिमेकी जिल्लाका युवाले भारतमा गएर लागु औषधी बोक्ने गरेको पाइन्छ ।
