श्रीमानले श्रीमती र छोरालाई आगो लगाउदा छोराको मृत्यु

नेपालगञ्ज – कोहलपुरका भानुभक्त विकले श्रीमती र छोरालाई आगो लगाउदा २ वर्षीय छोराको मृत्यु भएको छ ।

श्रीमती गंगासँगको झगडामा विकले श्रीमतीलाई पेट्रोल छर्केर आगो लगाउदा छोरा प्रिन्ससमेत जलेको इलाका प्रहरी कार्यालय, कोहलपुरका डीएसपी ऐनबहादुर मल्लले जानकारी दिनुभयो । जलेर घाइते भएका दुवैलाई कोहलपुरमा उपचारपछि नेपालगञ्जमा भेरी अस्पतालमा ल्याइएको थियो । आज विहान ६ बजेतिर छोरा प्रिन्सको मृत्यु भएको छ । गंगाको उपचार भइरहेको छ ।

प्रहरीले भानुभक्तलाई नाकाबाट पक्राउ गरेको छ । उनीहरु भारततिर भाग्दै थिए । आइतबार साँझ ७ बजे घटना भएको थियो । ११ बजेतिर घाइतेलाई नेपालगञ्ज ल्याइएको थियो ।