पिङबाट खसेर मृत्यु
नेपालगञ्ज – मेलामा पिङ खेल्ने क्रममा खसेर एक जनाको मृत्यु भएको छ ।
बाँकेको गुरुवागाउँ लागिरहेको मेलामा पिङ खेल्ने क्रममा खसेर जानकी गाउँपालिका वडा नं. ६ की ६४ वर्षीया गौरी बुढाको मृत्यु भएको
हो ।
पिङ खेल्ने क्रममा खसेर घाइते भएकी बुढालाई नेपालगञ्जस्थित वेष्टर्न अस्पताल ल्याइएको थियो । उपचारको क्रममा बुढाको मृत्यु भयो । शवलाई पोष्टमार्टमका लागि भेरी अस्पतालमा लगिएको छ ।
बाँकेको गुरुवागाउँ र जोगागाउँमा अहिले मेला लागिरहेको छ । दुई गाउँमा वर्षेनी मेला लाग्ने गर्दछ । ऐतिहासिक यो मेलामा स्थानीयको भीड लाग्ने गर्दछ ।
