तीन सय नाइट्रोजन ट्याब्लेटसहित जाजरकोटका दुई जना पक्राउ
नेपालगञ्ज – भारतबाट लागु औषधी नाइट्रोजन ट्याब्लेट बोकेर आएका दुई जनालाई प्रहरीले नियन्त्रणमा लिएको छ ।
रा १ प ३१२१ नम्बरको मोटरसाइकलमा रहेका जाजरकोटका गोविन्द नेपाली र विनोद रावल तीन सय वटा नाइट्रोजन ट्याब्लेटसहित पक्राउ परेका हुन् ।
मोटरसाइकलमा सवार नेपालीको साथबाट ट्याब्लेट बरामद भएको थियो । मोटरसाइकल रावलले चलाएका थिए ।
सीमावर्ती भारतीय शहर रुपैडिहामा सहजै पाइने नाइट्रोजन ट्याब्लेटलगायत लागु औषधी लिन आसपासका जिल्लाका युवाहरु आउने गरेको पाइन्छ ।
