फेसबुकमा चिनजान, भेट्न बाेलाएर सामुहिक बलात्कार

नेपालगन्ज – बांकेमा १६ वर्षीया किशाेरीलाई सामुहिक बलात्कार गरिएकाे छ ।
फेसबुकमा एक वर्षदेखि चिनजान भएका १७ वर्षका हेमराज थारुले अाफ्नाे जन्म दिन छ भनेर भेट्न बाेलाएपछि अाएकी किशाेरीलाई हेमराजलगायत ७ जनाले बलात्कार गरेकाे बांके प्रहरी प्रवक्ता मधुसुदन न्याैपानेले जानकारी दिए ।
किशाेरीलाई शुरुमा मानखाेलाकाे जंगल र पछि बैजनाथस्थित टहरामा लगेर बलात्कार गरिएकाे थियाे ।
मानखाेलाकाे जंगलमा ५ जना र टहरामा लगेर २ जनाले बलात्कार गरेकाे प्रहरीले बताएकाे छ ।
प्रहरीले अभियुक्तहरु हेमराज थारु, निराजन थारु, बिक्रान्त थारु, प्रवीण थारु, राजकुमार थारु, विश्वनाथ थारु र निर्देश थारुलाई विभिन्न ठाउंबाट पक्राउ गरेकाे छ ।
घटना २१ गते राती र २२ गते बिहानकाे हाे । २२ गते सांझ ४ बजे किशाेरीलाई घर पुर्याउन जादा एउटै माेटरसाइकलमा ३ जना सवार थिए । प्रहरीले खजुरामा चेकजांच गर्दा किशाेरी लठ्ठिएकाे देखेपछि कार्यालयमा लगेर साेधपुछ गर्दा घटना बाहिर अाएकाे हाे ।