बेलासपुरमा घरदैलो
नेपालगञ्ज – आगामी बैशाख ३० गते सम्पन्न हुने निर्वाचनमा आफ्ना पक्षमा मतदान गर्नको एमाले नेपालगञ्ज वडा नं.१२ द्वारा आफ्नो प्रचार अभियानलाई तीब्र पारेको छ ।
यसक्रममा आइतबार बेलासपुरका विभिन्न टोलहरुमा उम्मेदवार सहित घरदैलो गरिएको छ ।
वडा अध्यक्षका उम्मेदवार हेमराज गौतम (हरी) का अनुसार, चुनाव काली मन्दीरटोल, कृष्णसार टोल, सानिमा विकास बैंक टोल, कमरसा बाबा पछाडि, शान्तिटोल लगायतका स्थानहरुमा पुगेर मत मागिएको छ ।
घरदैलोमा अध्यक्षका उम्मेदवार गौतम, सदस्यहरु परमात्मा बर्मा, प्रदीप सापकोटा, ईता शर्मा र बिन्दु कुमारी विक सहित वडाका पुराना तथा अगुवा नेता कार्यकर्ताहरुको सहभागिता रहेको थियो ।
सो घरदैलो अभियानमा एमाले प्रदेश कमिटी सदस्य डम्बरराज सुवेदी, जिल्ला कमिटी सदस्य मनकुमारी सिलवाल, जगदीश शर्मा देवदत्त ढकाल, नगर कमिटी सदस्य तथा वडा ईन्चार्ज विश्वसेन गौतम, वडा कमिटी अध्यक्ष जनकराम भण्डारी, गंगा लम्साल श्यामसुन्दर अधिकारीलगायतको सहभागिता रहेको थियो ।
मतदाताको अपेक्षा अनुसार आफुहरुले वडाको विकास गर्ने सो अवसरमा एमाले नेपालगञ्ज–१२ का उम्मेदवारहरुले प्रतिबद्धता जनाएको वडा कमिटीका अध्यक्ष भण्डारीले जानकारी दिनुभयो ।
