बाँके जिल्ला फुटबल संघको निर्वाचन हुँदै
नेपालगञ्ज – बाँके जिल्ला फुटबल संघको शनिबार साधारण सभा तथा निर्वाचन हुने भएको छ ।
जिल्लाका १२ वटा क्लवले प्रत्यक्ष जोडिएर नेतृत्व चयन गर्दैछन् । संघको निर्वाचन पटक–पटक सर्दै आएको थियो ।
संघको नेतृत्वका लागि हालका अध्यक्ष भोजराज शाही र एन्फा लुम्बिनी प्रदेशका उपाध्यक्ष सूर्यमणि अधिकारीले इच्छा देखाएका छन् । शाही र अधिकारीका बीचमा अध्यक्षका लागि प्रतिस्पर्धा हुने बताइएको छ ।
