होलीमा इच्छा विपरित रंग दल्नेलाई कारबाही

नेपालगञ्ज – बाँके प्रहरीले होलीमा इच्छाविपरित रंग दल्ने र लोला प्रहार गर्नेलाई कारबाही गर्ने बताएको छ ।
बाँके प्रहरीले सात बुँदे सूचना जारी गर्दै होलीलाई मर्यादित गराउन आव्हान गरेको छ । प्रहरीले कसैले दुव्र्यवहार गरेमा, इच्छा विपरित जबरजस्ती रंग दलेमा वा बाधा पु¥याएमा नजिकको प्रहरीलाई खबर गर्न अनुरोध गरेको छ ।
प्रहरीले चर्को होहल्ला हुने साउण्ड सिष्टमको प्रयोग नगर्न, मादक पदार्थ सेवन गरेर सवारी साधन नचलाउन आग्रह गरेको छ । प्रहरीले कोभिडको जोखिम रहेकाले सतर्क र सजग भएर होली पर्व मनाउन आग्रह गरेको छ ।
बिहीबार (आज) पहाडमा होली पर्व मनाइएको छ । शुक्रबार तराईमा होली पर्व मनाइनेछ ।