चरेशसहित तीन जना पक्राउ

नेपालगञ्ज – बाँकेमा तीन किलो चरेशसहित तीन जना पक्राउ परेका छन् ।
चरेश बोकेर भारततर्फ गइरहेको बेलामा जमुनाहा नाकाबाट इलाका प्रहरी कार्यालय, जमुनाहा र लागु औषधी नियन्त्रण ब्यूरोको टोलीले सुर्खेत सिमताका वीरेन्द्र हमाल र दिपा बुढा, जाजरकोटका खिमा खत्रीलाई पक्राउ गरेको हो ।
दुई महिलाले बोकेको झोलामा कालो प्लाष्टिकले बेरेर चरेश राखिएको थियो । कर्णाली प्रदेशका विभिन्न जिल्लामा उत्पादन हुने चरेश नेपालगञ्ज हुँदै भारत लैजाने गरिन्छ ।