चन्दननाथ गण विजयी

नेपालगञ्ज – भैरवप्रसाद गण, नेपालगञ्जले आयोजना गरेको कमाण्ड सेनापति ट्रफी फुटबल प्रतियोगितामा बिहीबार चन्दननाथ गण, मालिका ब्यारेक जाजरकोट विजयी भएको छ ।
चन्दननाथले भवानी दल गण, तेघरी ब्यारेक कैलालीलाई ४–१ गोलले पराजित गरेको हो । खेल शुरु भएको ४ मिनेटमै उमेश महतोको गोलले चन्दननाथ गणले अग्रता लिएको थियो । चन्दननाथका ईश्वर चौधरीले २५ र २७ मिनेटमा दुई गोल र चित्रबहादुर मिजारले ८१ मिनेटमा एक गोल गरेका थिए । प्रकाश श्रेष्ठले ७० मिनेटमा भवानी दल गणका लागि एक गोल गरेका थिए ।
कमाण्ड सेनापति ट्रफीका चार वटा विजेता टीम प्रधानसेनापति ट्रफीका लागि छनौट हुनेछन् ।