रण बमलाई जिताउन रविनको दुई गोल

नेपालगञ्ज – नेपालगञ्जमा भइरहेको कमाण्ड सेनापति ट्रफी फुटबल प्रतियोगितामा रण बम गण, डडेल्धुराले भवानी बक्स गण, अछामलाई पराजित गरेको छ ।
भैरवप्रसाद गणको आयोजनामा भइरहेको प्रतियोगितामा बिहीबार भएको दोस्रो खेलमा रण बम गणले भवानी बक्स गणलाई ३–१ गोलले पराजित गरेको हो ।

रण बम गणबाट २३ र ३० मिनेटमा रविन सदा र ५६ मिनेटमा दिनेश माझीले गोल गरेका थिए । भवानी बक्स गणबाट ७४ मिनेटमा गणेश देउवाले एक गोल गरेका थिए ।
आठ वटा टीम सहभागी रहेको प्रतियोगितामा बिहीबारसम्ममा सबै टीमले एक÷एक वटा खेल खेलेका छन् ।