४ सय ३५ वटा ट्याब्लेटसहित बोगटी पक्राउ

नेपालगञ्ज – बाँके प्रहरीले ठूलो मात्रामा लागु औषधीसहित एक जनालाई प्रक्राउ गरेको छ ।
इलाका प्रहरी कार्यालय, जमुनाहाको टोलीले भारतबाट आइरहेका कैलाली लम्कीचुवाका २४ वर्षीय कर्ण बोगटीलाई लागु औषधीसहित पक्राउ गरेको हो । प्रहरीले बोगटीको साथबाट फेनिरामाइल एभिल २ सय १५ वटा, नाइट्रोभेट १० वटा, ट्रामाडोल २ सय १० वटा बरामद गरेको छ ।
बोगटीलाई आवश्यक कारबाहीका लागि जिल्ला प्रहरी कार्यालय, नेपालगञ्ज पठाइएको छ ।