नर्सरीमा लुकेर तास खेलेका जुवाडे पक्राउ

नेपालगञ्ज – बाँके प्रहरीले नर्सरीमा जुवा खेलिरहेका दुई जनालाई पक्राउ गरेको छ । उनीहरुको साथबाट साठी हजार पाँच सय रुपैया र १८ गड्डी तास बरामद भएको छ ।
खजुरा गाउँपालिका वडा नं. २, एगाउँ नजिकको नर्सरीबाट जानकी गाउँपालिका वडा नं. ३ का अशोक बर्मा र भारत रुपैडिहाका राधे बर्मालाई प्रहरीले पक्राउ गरेको हो । इलाका प्रहरी कार्यालय धनौलीबाट विशेष सूचना पाएपछि गएको प्रहरीले उनीहरुलाई पक्राउ गरेको थियो ।
यसैगरी, बाँके प्रहरीले बाल यौन दुरुपयोग मुद्दाका फरार प्रतिवादीलाई नियन्त्रणमा लिएको छ । खजुरा गाउँपालिका वडा नं. ३ का सुमन विश्वकर्मालाई प्रहरीले नियन्त्रणमा लिएको हो । विश्वकर्मालाई बाँके जिल्ला अदालतले २०७६ मंसीर ३ गते ५ महिना ६ दिन कैद सुनाएको थियो । प्रहरीले विश्वकर्मालाई अदालतमा बुझाएको छ ।