बाछी मारेर भाग्यो स्कारपियो

नेपालगञ्ज – नेपालगञ्जको वीपीचोकमा स्कारपियो गाडीले बाछीलाई ठक्कर दिएको छ । गणेशमानचोकतिरबाट आएको स्कारपियोको ठक्करबाट बाछी मरेको छ ।
गएराती पौने दश बजे स्कारपियोले वीपीचोकको तरकारीमण्डी अगाडि बाछीलाई ठक्कर दिएको थियो । बाछीलाई ठक्कर दिएको स्कारपियो भागेको छ । वीपीचोकमा रहेको सीसीटीभीले त्यहाँसम्मको कभर नगर्दा गाडीलाई पत्ता लगाउन सकिएको छैन ।
वडा प्रहरी कार्यालय, नेपालगञ्जका इन्चार्ज डिल्ली खड्काले बाछीलाई ठक्कर दिएको स्कारपियोको खोजी भइरहेको बताउनुभयो ।
नेपालगञ्जका सडकमा सोलार बत्ती भएपनि बल्दैन । अध्यारो सडक र धेरै छाडा पशु रहेकाले दुर्घटना निम्तिने गरेको छ ।
सडकमै मृत अवस्थामा रहेको बाछीलाई विहानै नेपालगञ्ज उपमहानगरपालिकाले व्यवस्थापन गरेको छ ।