चोरीका अभियुक्त पक्राउ

नेपालगञ्ज – चोरीका फरार अभियुक्त पक्राउ परेका छन् ।
जानकी गाउँपालिका वडा नं. ५ का हसन भन्ने हासिम खाँलाई प्रहरीले पक्राउ गरेको हो । खाँलाई अदालतले चोरी अभियोगमा ५ महिना सात दिन कैद सजाय सुनाएको छ । अदालतको आदेशपछि उनी फरार थिए ।
फरार अभियुक्त पक्राउ गर्ने अभियानअन्तर्गत बाँके प्रहरीले खाँलाई मंगलबार पक्राउ गरेको हो । प्रहरीले फरार अभियुक्तलाई पक्राउ गरेपछि अदालतमा बुझाउने गरेको छ ।