पेस्तोलसहित भारतीय पक्राउ

नेपालगञ्ज – बाँके प्रहरीले कटुवा पेस्तोलसहित तीन जनालाई पक्राउ गरेको छ ।
इलाका प्रहरी कार्यालय, कोहलपुरका अनुसार, कोहलपुरको हाइस्कूल चोक नजिक पैदल हिडिरहेका दुई भारतीय र एक नेपालीको साथबाट कटुवा पेस्तोल र गोली बरामद भएको हो ।
कोहलपुरका डीएसपी रविन्द्र खनालले विशेष सूचनाका आधारमा जाँच गर्दा भारत बाबागञ्जका महताप्रसाद खटिक र नकछेद पाछी तथा कोहलपुरका सुरज लामिछानेलाई पक्राउ गरिएको बताउनुभयो । पेस्तोल खटिकले कम्मरमा लुकाएका थिए ।
प्रहरीले उनीहरुका बारेमा आवश्यक अनुसन्धान भइरहेको जनाएको छ ।