विहानै दुर्घटना, एकको मृत्यु

नेपालगञ्ज – नेपालगञ्जमा विहानै सडक दुर्घटना हुँदा एकजनाको मृत्यु भएको छ ।
नेपालगञ्जको वीपीचोक नजिकै भे १ ख २९८४ नम्बरको मिनिबस र भे ४ प ८१८९ नम्बरको मोटरसाइकल ठोक्किदा मोटरसाइकलमा सवार साईगाउँका असगर अलि राइनको मृत्यु भएको प्रहरीले बताएको छ । मोटरसाइकलमा सवार भारतका सलमान राइन घाइते रहेका छन् । उनको मेडिकल कलेज, नेपालगञ्जमा उपचार भइरहेको छ ।
कुखुरा बोकेर आएको मोटरसाइकल र यात्रुवाहक मिनिबस विहान ५.४५ बजे दुर्घटनामा परेको थियो ।