मोटरसाइकल चोर्ने गिरोह पक्राउ

नेपालगञ्ज – बाँके प्रहरीले मोटरसाइकल चोरी गर्ने गिरोहलाई पक्राउ गरेको छ ।
प्रहरीले कम्तीमा ११ वटा मोटरसाइकल चोरी गरिसकेका ६ जनालाई पक्राउ गरेको छ । गिरोहसँगबाट प्रहरीले ६ वटा मोटरसाइकल बरामद गरेको छ ।
बाँकेका खजुराका रामबहादुर थापा, नेपालगञ्जका रन्जित शर्मा, जुम्लाका धिरेन्द्रविक्रम शाही, दाङका इरसाद अहमद मुसलमान, रोल्पाका छविलाल पुन मगर र नवराज रोका क्षेत्रीलाई प्रहरीले पक्राउ गरेको छ ।
बाँकेका रामबहादुर र जुम्लाका धिरेन्द्रले मिलेर नेपालगञ्ज आसपासबाट मोटरसाइकल चोरी गर्ने र दाङ, रोल्पा, रुकुम, जाजरकोट, प्यूठान, सल्यानमा पु¥याएर बेच्ने गरेको पाइएको छ । बाँके प्रहरी प्रमुख एसपी ओमबहादुर रानाले नेपालगञ्जमा मोटरसाइकल चोरीका घटना बढेपछि अप्रेसन टोली नै परिचालन गरेपछि गिरोह नै पक्राउ परेको बताउनुभयो । बाँके प्रहरीले बुधबार चोरीका मोटरसाइकलसहित पक्राउ परेका व्यक्तिलाई सार्वजनिक गरेको थियो ।