माघ पहिलो साता योगिनी कप भलिबल

नेपालगञ्ज – बाँकेको गौघाटमा योगिनी कप अन्तर क्लव स्तरीय पुरुष भलिबल प्रतियोगिता हुने भएको छ ।
योगिनी युवा क्लव र रंगशाला नेपाल मिडिया प्रालिले माघीको अवसरमा भलिबल प्रतियोगिता गर्न थालेको हो ।
आयोजकले मंगलबार नेपालगञ्जमा पत्रकार सम्मेलन गरेर सो बारेमा जानकारी दिएको छ । योगिनी युवा क्लवका अध्यक्ष तरिन्द्र थापाका अनुसार, प्रतियोगितामा प्रथम हुनेले २० हजार, मेडल, ट्रफी र प्रमाणपत्र पाउने छन् । द्वितिय हुनेलाई दश हजार पुरस्कार राखिएको छ । प्रतियोगिताका सर्वोत्कृष्ट खेलाडीले तीन हजार र विधागत रुपमा उत्कृष्टलाई एक÷एक हजार रुपैया दिइने प्रतियोगिताका संयोजक दिलिप महताराले बताउनुभयो ।
युवाहरुलाई भलिबलको माध्यमबाट सकारात्मक सोचको विकास गराउने लक्ष्यसहित राखिएको प्रतियोगिता माघको पहिलो सातादेखि हुनेछ ।