किशोरीलाई पत्रकारिता तालिम

कोहलपुर – बाँकेको कोहलपुरमा ४ दिने पत्रकारिता तालिम सम्पन्न भएको छ ।
किशोरी क्लबमा संगठित भएका किशोरीहरुलाई पत्रकारिता सम्बन्धी जानकारी गराउने उद्देश्य प्लान नेपालको सहयोगमा स्याक नेपालले तालिम सञ्चालन गरेको थियो ।
तालिममा कोहलपुर नगरपालिकाका बिभिन्न वडाहरुमा गठन भएका किशोरी क्लबहरुमा संगठित २५ जना किशोरीहरु सहभागी भएका थिए । तालिममा समाचार, प्रेस नोट र ज्ञापन पत्र लेख्ने तरिकाहरु सिकाइएको थियो ।
त्यसैगरी फोटो तथा भिडियो खिच्ने तरिकाका साथै पत्रकारहरुले पालना गर्नु पर्ने आचार संहिताका बारेमा जानकारी गराइएको थियो ।
चार दिने तालिमबाट पत्रकारिता सम्बन्धी आधारभुत बिषयहरु सिक्ने र अभ्यास गर्ने अबसर पाएको किशोरी क्लब कोहलपुरकी अध्यक्ष भाबना भुसालले बताउनुभयो । तालिमको सहजीकरण कृष्ण अधिकारीले गर्नु भएको थियो ।
किशोरी क्लबहरुले बालबिबाह रोकथाम सम्बन्धी सचेतना अभिबृद्धि गर्नुका साथै बाल अधिकार संरक्षणका क्षेत्रमा शिक्षक, जनप्रतिनिधि, स्थानीय प्रहरी प्रशाशनका प्रतिनिधिहरुसंँग समन्बय गरेर काम गर्दै आएको छ ।