कोरोना जितेर ४४ जना घर गए

नेपालगञ्ज – बाँकेमा सोमबार ४४ जनाले कोरोनालाई जितेका छन् ।
कात्तिक ७ गते कोरोना पुष्टि भएपछि विभिन्न आइसोलेसनहरुमा बसेका ४४ जना सोमबार घर गएका हुन् । २९ पुरुष र १५ जना महिलाले कोरोनालाई जितेर डिस्चार्ज भएका छन् ।
जिल्ला स्वास्थ्य कार्यालय, बाँकेका अधिकृत एवं कोरोनाका फोकलपर्सन नरेश श्रेष्ठले जिल्लासम्म जिल्लामा दुई हजार नौ सय २९ जनाले कोरोनालाई जितेको जानकारी दिनुभयो । जिल्लामा पछिल्लो समयमा मृत्युदर बढेपनि कोरोना जित्ने धेरै छन् । कोरोनाका लक्षण चिन्ह नदेखिएका बिरामी धेरै देखिएका छन् । जो होम आइसोलेसन, होटल वा अस्पतालमा १० दिन बसेर डिस्चार्ज हुने गरेका छन् ।
जिल्लामा अहिले दुई सय ७ जना आइसोलेसनमा रहेका छन् ।