ब्राउनसुगरसहित रमजान पक्राउ

नेपालगञ्ज – जमुनाहा प्रहरीले लागु औषधी ब्राउनसुगरसहित एकजनालाई नियन्त्रणमा लिएको छ ।
भारतबाट साइकलमा आइरहेका नेपालगञ्ज–४ का रमजान अलि बेडुवालाई दुई ग्राम ब्राउनसुगरसहित नियन्त्रणमा लिएको प्रहरीले जानकारी दिएको छ ।
प्रहरीले शंका लागेर रमजानलाई खानतलासी गरेको थियो । नेपालगञ्ज–१५, पिप्रहवामा आइपुगेका रमजानको साथबाट ब्राउनसुगर फेला परेको जमुनाहा प्रहरीले जनाएको छ । देशमा कोरोनाले सबैलाई असर पारेपनि लागु औषधी कारोबारीको दैनिक उस्तै चलेको देखिन्छ । प्रहरीले दैनिकजसो पक्राउ गरेको घटनाले त्यस्तो देखाउने गरेको छ ।