११ जनाले कोरोना जिते

नेपालगञ्ज – शनिबार एघार जनाले कोरोनालाई जितेका छन् ।
जिल्लाका विभिन्न आइसोलेसनमा रहेका एघार जना डिस्चार्ज भएका हुन् । जिल्ला स्वास्थ्य कार्यालय, बाँकेका अधिकृत एवं कोरोनाका फोकलपर्सन नरेश श्रेष्ठले भदौ २० गते कोरोना भएका ११ जनाले कोरोना जितेको जानकारी दिनुभयो ।
योसँगै बाँकेमा कोरोना जितेर घर फर्किनेको संख्या एक हजार दुई सय तीन जना पुगेको छ । अब ३ सय ३५ जना आइसोलेसनमा रहेका छन् । पछिल्लो तीन दिनयता भेरी अस्पतालबाट कोरोना संक्रमितको विवरण सार्वजनिक भएको छैन ।